匠一麵屋 (已結業)

身边啲朋友都知道我最钟意食日本拉面，老实讲，豚王，一兰𠮶啲真系食到有啲闷，间唔中试吓啲小店，分分钟仲有意外惊喜。今次跟朋友一齐嚟长沙湾呢边揾食，个friend话有好野介绍，实啱我咁话。我哋喺深水埗黄金𠮶边行两三个街口，大概10分钟左右就到。原来𠮶度仲有另一间鼎鼎大名嘅粥底火锅店㖭。拉面店非常有日式风格，我哋去到𠮶阵系平日嘅六点几，所以人唔多。呢度嘅拉面基本上只分三种，酱油清汤，豚骨浓汤，同沾面。朋友推介我食呢度嘅豚骨浓汤拉面，或啱晒我呢啲钟意重口味嘅人士～櫈櫈櫈櫈～拉面来到了，净系睇到拉面汤底嘅颜色已经知道非常浓味。入口试一啖，简直好似饮紧成旧猪骨嘅精华咁。我觉得比出面其他嘅豚骨汤浓厚多三倍。至于佢哋嘅面条系比较粗身，同有咬口，所以挂汤一流！另外佢哋呢度嘅叉烧同温泉蛋都非常之有质素，价钱又唔算贵，呢餐食得非常满足！