心夜來潮 (已易手) 新餐厅

真系住在荃湾几十年, 先知咩叫卧虎藏龙! 竟然有间咁隐蔽嘅餐厅煮嘢咁好味！朋友算唔话得，知我嘴刁，话带我试吓呢间潮州嘢㖞，果然同我平时食开个d好唔同，系另有一番地道风味嘅小菜！上次食过韩式酱油蟹，今次试吓呢间酱腌生虾，都几得意，不过可能因为我平时食嘢较咸，所以我觉得d酱味如果可以再浓d就仲正！ 再嚟一碟巨型脆香手打鱼旦，好弹牙㖞！ 好有咬感，果然潮州鱼蛋系出名！无点错𩠌！咁搞笑，猪油渣蒸水蛋，真系未试觉，点都要会一会你先！喂，好掂㖞！蒸出嚟d水蛋竟然咁滑嘅！ Fantastic!!朋友，咩料呀？！咩叫南瓜洛呀？ 又叫咩新嘢比我试？咩东东先？！啊！都几香㖞！哗！ 好好味，全场最爱，好香、好脆啊，甜甜地、咸咸地，正呀！至于呢碟方鱼炒芥兰，就似柴鱼花生粥个d柴鱼炒芥兰咁，无咩特别，不过出边又未食过咁嘅配搭！整餐饭都好啱我胃口，价钱又唔算贵，会再encore! 下次带埋仔仔嚟食！