蛋藝工房 (已結業)

耐唔耐就黎新北江买野同食野，平时多数系上层揾食，是日落黎地面呢层买野，见到有间新餐厅蛋艺工房，食蛋？睇下先。餐牌有几样野都想食㖞，就试下佢先。店内只有八个位，下午茶时段唔多人，成功入座，哈哈。全日供应嘅餐，送饮品，仲有得加钱转特别嘅樽仔奶茶另外仲有几款special，伪椰菜花炒饭都好想试呀～今日回暖返，要饮返罐汽水降下温，要罐无糖先。最后叫左C餐加鸡翼，哈哈，店员见我睇左好耐餐牌都未决定食乜，过黎推介左呢两样，都几想试就听佢话叫呢两样啦。煎焗黄油鸡翼，即叫即煎都等左差不多十五分钟，上枱时香喷喷。真系慢慢煎熟㗎，唔系气炸～外面干身皮脆，香口入味好好食，而且只只都全熟，火候有控制好慢煮烟三文鱼卷炒蛋饭，店员介绍系鱼卷时已经觉得个食物名唔系咁贴切，以为烟三文鱼就smoke salmon个类冷盘野添。实物系用鲶鱼柳卷住三文鱼一齐煎，两鱼齐下外层脆卜卜，三文鱼仲好嫩滑，啖啖鱼肉好好味呀！叫得蛋艺就梗系期待佢个炒蛋啦，炒得超滑，入面加了韭黄同葱花更添香气，好味好味本来呢样都想转椰菜花饭㗎，但系见佢地用樱城牌日本米㖞，哗哗，呢只米劲好食，唔舍得转啊。仲有二人同四人套餐，假期外卖一流。小店无失望好好食