北料南麵 (已結業)

今日放工又落咗深水埗，前两日买嘅嘢竟然唔啱，要专程走去 换另一个款，走来走去都未食饭，就系巴士站附近见到一间光猛嘅面店。仲要系比我见到最刺激嘅麻辣天然食材，重庆小面最啱我胃口，但其实我唔系食得好辣，偏偏就好钟意追求𠮶种刺激、过瘾嘅口感。一坐低闻到香气扑鼻，其他人嘅汤味好香，已经辣到系咁吞口水。我一于就叫咗碗招牌面，麻辣牛腩面。又有车仔面咁嘅形式可以自己加多几款𩠌，我就简单直接啲一碗先。我其实只系叫咗小辣，一见到门汤嘅食水已经心里面狂呼出嚟，饮咗两啖汤，果然麻而不辣，反而香气齿颊留香。牛腩炆得软腍入味，好食到不得了。有人就喜欢食饺子，钟意嘅程度系要叫两款，一款放汤，另一款要煎香佢比较脆口，一样咁好味。食完一只接一只话咁快就请碟。原来质素咁高，再叫一个小食，麻辣海蜇入口够爽，然后辣味慢慢渗透口腔，下次嚟深水埗我一定会再嚟试其他嘢食。