一燒窰 (已結業)

旺角餐厅一向俾人卧虎藏龙嘅感觉，呢日朋友介绍嘅一烧窰就系其中一间我觉得好有惊喜嘅小店！蟹膏蟹肉煲食落充满蟹鲜，还有丝丝蟹肉，鲜味浓郁，食之前倒生鹌鹑蛋落去搅拌，食落更香更滑。鳗鱼饭定食超级抵食，$108竟然有原条鳗鱼，仲要有埋前菜同面豉汤，单系黎呢度食鳗鱼饭都抵呀。鳗鱼都毫不欺场，非常厚肉，加上调味岩岩好嘅烧汁，好滋味。西京烧银鳕鱼定食同样唔好错过！块银鳕鱼大过块面！好夸张！银鳕鱼嫩滑入味，甜甜嘅酱汁好岩送饭。餐厅叫一烧窰，当然要试下佢嘅串烧。点佐烧多春鱼，$20有三条，价钱同样亲民。多春鱼烧得恰到好处，反而帆立贝（$25/3件）嘅酱汁调味略为咸佐少少。