崟

营业中

休息中

老细最近搬咗屋喺锦上路一带，佢带咗我去食屋企附近嘅日本料理。呢间舖感觉好高级且不平凡，开放式厨房后面嘅大鱼缸放左只龙虾，未食先兴奋！我哋拣咗龙虾set板烧2人前。头盘系温室沙律配响螺，沙律新鲜爽口，螺好鲜甜，不需要其他调味。师父喺我地面前煮第一道菜，北海道帆立贝配紫菜汤，。一粒帆立贝分成三份烧，帆立贝上面有三文鱼籽，是经过师父特别处理，不会太咸。至于个汤师傅用咗新鲜嘅紫菜，饮得出好新鲜，作为前菜好适合！第二道系白甘鲷，外皮脆口，鱼肉鲜软，清淡惹味。主菜是牛油烧龙虾，加埋龙虾膏同海胆一齐煮，肉质煮至半熟，入口软滑，配埋个汁，绝对是天上有的味道。必试!食和牛前，师父请我地食左个蜜糖烧烤面包，又脆又甜，我都想自己整黎食。薄切A5和牛，重点在和牛与蒜。大厨用薄和牛包住烧至甘香嘅蒜片，一齐食时蒜香和牛在口内爆发，味道令人难忘。樱花虾炒饭好出色，每粒饭都被蛋浆包住，炒得平均，够干身，好食。最后点左番薯雪糕，为这餐画上完美句号。