MUJI to GO (已結業)

之前试过出国做嘢去到机场先记起自己唔记得带颈枕，同埋都想买少少零食系飞机度食，始终长途飞机想揾啲嘢做🤣🤣呢间Muji入面售卖嘅嘢有专门为即将搭飞机嘅人考虑过，有好多实用嘅旅行用品同埋好多唔同嘅零食，好方便快捷咁买到自己需要嘅嘢。虽然舖头好细，但系产品嘅种类都唔少。最最值得称赞嘅系佢嘅价钱同市区嘅无印良品系冇分别㗎，买多几样嘢都唔会觉得好肉赤。舖头嘅职员服务态度都好好，需要啲乜嘢产品佢哋都会好耐心咁帮我去揾吓。