一品星廚 (已結業)

又到午餐时间，大家急忙攞手袋出门口揾食。去到大王东街，打算系某间餐厅食饭，但大排长龙，由于时间紧迫无得嘥时间等候。唯有揾另一间，间间餐厅都很多人排队，咁岩见到呢一间是新开张，唔知系咪因为新开张所以暂时唔系太多人排队等，所以我哋试一试。入到去员工很殷勤，好有礼貌招呼我哋，有介绍我哋食咩好。雪菜肉丝炆米，好香嘅雪菜味，有适量嘅肉丝，米粉好幼嫩，有米味道，整碟炆米干湿适中，唔太油，唔太湿，配埋辣椒酱好好味。成碟蚊咪变成我肚内嘅囊中物，一条都不漏，食晒。野菌鱼肚饭，好多菇，至少有三四种菇菌，鱼肚好大块，好滑，一啲都唔腥，配白饭好好味。同事亦系食晒成碟饭。除咗碟头饭之外，还配以罗宋汤，餐饮。罗宋汤就差啲，好稀，好水，冇乜罗宋汤味，用旧款嘅漱口盅装置，真系好似俾你漱口咁。整体来讲，成个套餐好食（除汤）得嚟都唔算贵。