錦壽築地 (已結業)

临别秋波，总要嚟一嚟 #锦寿筑地。叫咗芒果牛油果山药寿司、右口鱼群边寿司同照烧猪扒拉面 (粗面)，话咁快嘢食就逐一送到。靓仔侍应好细心咁提我要食咗左口鱼先，因为块紫菜放耐咗会腍。我小心翼翼咁用紫菜包好成件寿司，然后一口将成件寿司放入口。哇！入口即溶！𠮶种嘅鱼油香味不停喺𠮶口度下，久久不散，好好食呀！食完左口鱼，侍郎随即收起只碟，跟住帮我将碟芒果寿司放喺我面前，示意进食嘅次序。果然，一啖咬入口即时成个口清新哂！芒果嘅酸味，青瓜同山药嘅爽脆，配合牛油果嘅油脂感，，完全唔使点任何嘢，成件寿司就算无肉都仿佛有肉咁，唔食过系唔知有几好食！刚好，将之前左口鱼嘅油腻味道清除哂，正可以为下一道菜色作好味蕾嘅准备。最后轮到照烧猪扒拉面。猪扒煎到脆卜卜，仲有阵炭烧味，而且好滑嫩。粗拉面弹牙，配合笋条同爽口木耳，再加埋浓郁嘅汤底，好满足！舖头做到今个月尾就暂休喇，想食就要快手卜枱了！