影片
更多
2016-11-01
956 浏览
系新闻睇到文华冰厅会系12月结业，所以肥Dee趁今日得闲梗系去试下!!其实九龙城有好多间类似冰室，文华、金华 都系食波罗油同埋常餐为主，我就中意食蛋挞（曲奇皮）同埋墨西哥包！唔讲咁多。。讲番冰厅。。点解叫冰室去到后尾既茶餐厅。。五六十年代唔系家家户户有电视，咁有Ｄ人去凉茶舖饮番杯２４味，有Ｄ人就去冰室饮下冰睇下电视，个时既冰室就卖野饮，食下蛋糕（即系文华门口蛋糕店），后黎西餐厅引入，有钱就去正式西餐厅食下扒，冇钱就去冰室（咁个时开始卖既野就唔再局限饮野），开始慢慢愈来愈多，好似炒饭、瑞士汁鸡翼。 茶餐厅其实就好似香港地咁，系一个中西文化交融地方，融融下自然有佢既韵味：） 好似干炒叉烧意粉咁，又中（叉烧）又西（意粉），只要岩自己口味就得。我地下午茶时间去到，已经有好多人，但系咁好彩有位（虽然都要搭枱）。嗌左个特餐（牛油包、火腿奄列、沙爹牛面同野饮）；同一份茶餐（牛油包、火腿奄列、叉烧意粉同野饮）。其实野食就都系一般一般，沙爹牛略嫌有Ｄ淡，奄列有惊喜，外面就火腿丝，呢到真系成半大块火腿！叉烧系几好味，又真系几足料饮左杯热奶茶，梗系传统个种口味，正正正！！其实廿九蚊真系抵食，系太子去其他茶餐
其实九龙城有好多间类似冰室，文华、金华 都系食波罗油同埋常餐为主，我就中意食蛋挞（曲奇皮）同埋墨西哥包！
唔讲咁多。。讲番冰厅。。点解叫冰室去到后尾既茶餐厅。。五六十年代唔系家家户户有电视，咁有Ｄ人去凉茶舖饮番杯２４味，有Ｄ人就去冰室饮下冰睇下电视，个时既冰室就卖野饮，食下蛋糕（即系文华门口蛋糕店），后黎西餐厅引入，有钱就去正式西餐厅食下扒，冇钱就去冰室（咁个时开始卖既野就唔再局限饮野），开始慢慢愈来愈多，好似炒饭、瑞士汁鸡翼。
茶餐厅其实就好似香港地咁，系一个中西文化交融地方，融融下自然有佢既韵味：） 好似干炒叉烧意粉咁，又中（叉烧）又西（意粉），只要岩自己口味就得。
我地下午茶时间去到，已经有好多人，但系咁好彩有位（虽然都要搭枱）。嗌左个特餐（牛油包、火腿奄列、沙爹牛面同野饮）；同一份茶餐（牛油包、火腿奄列、叉烧意粉同野饮）。
其实野食就都系一般一般，沙爹牛略嫌有Ｄ淡，奄列有惊喜，外面就火腿丝，呢到真系成半大块火腿！
叉烧系几好味，又真系几足料
饮左杯热奶茶，梗系传统个种口味，正正正！！
其实廿九蚊真系抵食，系太子去其他茶餐厅，唔讲星级华星，好似去康年，起码都３Ｘ蚊。咁多野饮都系廿九蚊，坐得逼Ｄ但系价钱就真系合理。当然，去得个到只系为左又一间有历史既冰厅将会结业，唔知取缔佢既系另一间伪冰室定系连锁店？临离开之际，听到个呀姐话：系啰Ｄ人挂住玩手机唔舍得走。对我地系一种反思，究竟新科技下，可能信息传播快左，但系人与人之间关系好似远左。 我地不舍小店既离开，但系人情味好似都无声无色咁离我地愈黎愈远。
张贴
