喜茶 (已結業)

香港开左喜茶都一段时间，我终于去左饮。虽然已经系大陆饮左次，不过试下香港出左有咩分别都好，因为我成日都觉得其他地方引入黎香港既餐厅，质素系会差左几多下。戈阵我地夜晚10点几到去，虽然唔系话多到要排到出门口出面，不过系临收铺尼啲时间黎讲都真系几多人，果然大家都系仲贪紧新鲜。排左几分钟就叫左杯轻芝士金凤茶王，然后过左阵就见到怇开始截龙，仲落左半闸，好彩早到左啲啲姐。不过等就真系一定等左成20分钟有多，仲要见到前前后后既号码都有得拎，但我戈杯就仲未有，不过原来过左阵发现系因为太多单太多野饮，啲员工搞错左杯野，所以先等左咁耐，好彩杯野冇溶晒冰先拎到手姐，哈哈。不过重点系杯野都系好饮既，咁多人排，又临收铺，个质素算系唔错阿。