金甲韓國料理 (已結業)

放工先黎落雨，同同事就临时决定系公司附近食完dinner再返去，系旺角西洋菜街呢头好多食肆，由于雨势滂沱，就捻住食buffet，时间耐d，等雨势无咁大，就选左金甲韩烧。初初入去见到有好多冷盘小食，就顺道拎左几样，秋刀鱼、炸馒头、烧鸡翼，仲有自助果汁机黎杯五花茶降下火先得。肉类都好丰富，切得好均匀，一眼望去都有几十样，极上牛肋骨、肥牛金菇、墨鱼仔、鱿鱼苏。牛肋骨都系厚度适中，易熟入味。虎虾都好大只，6只就可以围住成个卢，虾肉鲜甜弹牙。三文鱼刺身切得大方，基本寿司种类都有齐噻。雪柜度有各种韩国苏打，晚市任饮添～甜品争2样颜色就系彩虹啦，缤纷水果布丁，各种口味，适合各类食客。收尾买单2人400蚊都有找，我地食完雨都停埋，估唔到咁抵食。