北京樓 (已結業)

o寻日本来已订了位同屋企人去KC话好的港大校友会度食，但因有突发事情发生，所以又要转地点，去左荃湾北京楼。老豆一睇到MENU指定要叫1个6位套餐，话费时麻㖞，其实佢睇中一个京蟠明虾就真!餐前每人一杯藨汁或山楂茶(我仍然好怀念车品品的山楂露)，然后冷盘三小碟(监水鸭、海蜇皮、烤麸)，虽然话系小碟，份量唔细且味道做得不错；京蟠明虾果然老豆冇睇错，虾好爽同入味，我食了三大只，而花胶炖螺头又系大家都欣赏，十足材料。干烧黄鱼是全靠D汁调味，而条鱼仲有D霉霉地。风沙鸡只得半只，可能细只关系所以d肉几嫩口、另外四蔬同小笼包都ok。我再叫个糖醋排骨，一时醒唔记京沪菜D排骨其实系猪扒，所以一上后有D失望，味道其实不错，不过肉质过淋。饭后甜品系另加的豌豆黄，佢o地话味道怪怪地㖞，咁当然唔似系北京咁好食la。讲番服务，属于美心集团，当然有番咁上下，仲热心过头，我个侍士哥哥好好人，帮我o地分小笼包，不过搞到个个小笼包到流晒d汁。