香辣風

营业中

休息中

𠮶日收工搭紧西铁期间，去到荃湾西时中学同学打电话黎约食饭，咁啱得闲冇嘢做系朗屏落车后，就话去食鸡煲，我就醒起系水边围对面间香辣风，店面唔大其貌不扬，感觉环境唔算好好但必须讲呢间系元朗最正鸡煲！我地两个人Order左一个细既奇味鸡煲（小辣），过左十分钟冇耐就鸡煲就上左，份量唔算好多，细Size大概就系半只鸡咁，于是又嗌咗d配菜---响铃，细薯粉，生菜...滚左冇耐食得，鸡件入晒味，啖啖肉。但我最要推介并唔系d鸡，而系煲入面d洋葱，d洋葱煮到好软，食落口有股甜味，好好食；其次好食就系d冬菇仔，细细粒一口一只，冬菇索晒个鸡煲既汁，咬落去好Juicy！正！忍唔住又追加一份生冬菇黎煲！两个人食下吹下水都食左成个半钟，个煲好惹味，煲到最后加d薯粉落去煮，煮到变软后食得，索晒d味又滑一滑，好鬼好食，饮埋啤酒真系一流！最后两个买单都系人均125蚊，唔算贵！