影片
更多
2022-06-17
14950 浏览
环境：光猛舒适，枱与枱之间有一定嘅距离，无奈有啲6-8人枱，咁啱坐正隔离就会好应声。自助餐攞野食嘅位置都安排得唔错，唔会有一班人长期围住排队攞嘢食。*服务：门口reception态度一般般，入面嘅侍应服务唔错，勤力执碟执碗，有礼貌。值得一赞系因为附近枱太吵，我哋想换位，咁啱系12点开餐之前前，佢愿意安排其他位俾我哋。*海鲜：青口、小龙虾、面包蟹、波龙虾钳海鲜质素普通，食完一转冇兴趣再食第二转喇，我都见其他枱食完都冇再特别出去抢。*刺身：三文鱼、吞拿鱼、鲷鱼师傅切得相当厚身，三文鱼10分有8分，其余两个都系仅仅合格。*铁板烧：牛肉、猪扒、三文鱼师傅好努力咁烧，但永远都烧唔切牛肉，试过牛肉、三文鱼，牛肉用松肉粉腌过，三文鱼油香且味浓。*烧牛肉西冷、西式菜式、汤烧牛肉系意外收获，厚切都唔韧，咬落去系好香嘅牛肉味，比铁板烧牛扒更加好食！我食咗烧杂菜，饮过红萝卜汤，都系属于正常发挥。*印度菜三四种咖哩、tandoori chicken、两种naan、印度薄脆，冇乜人攞，试过一两种，唔建议。*中菜、烧味、面档普通正常发挥。冷盘、沙律、芝士普通正常发挥，芝士有blue cheese～夹面包食好正，单
*
服务：门口reception态度一般般，入面嘅侍应服务唔错，勤力执碟执碗，有礼貌。值得一赞系因为附近枱太吵，我哋想换位，咁啱系12点开餐之前前，佢愿意安排其他位俾我哋。
*
海鲜：青口、小龙虾、面包蟹、波龙虾钳
海鲜质素普通，食完一转冇兴趣再食第二转喇，我都见其他枱食完都冇再特别出去抢。
*
刺身：三文鱼、吞拿鱼、鲷鱼
师傅切得相当厚身，三文鱼10分有8分，其余两个都系仅仅合格。
*
铁板烧：牛肉、猪扒、三文鱼
师傅好努力咁烧，但永远都烧唔切牛肉，试过牛肉、三文鱼，牛肉用松肉粉腌过，三文鱼油香且味浓。
*
烧牛肉西冷、西式菜式、汤
烧牛肉系意外收获，厚切都唔韧，咬落去系好香嘅牛肉味，比铁板烧牛扒更加好食！我食咗烧杂菜，饮过红萝卜汤，都系属于正常发挥。
*
印度菜
三四种咖哩、tandoori chicken、两种naan、印度薄脆，冇乜人攞，试过一两种，唔建议。
*
中菜、烧味、面档
普通正常发挥。
冷盘、沙律、芝士
普通正常发挥，芝士有blue cheese～夹面包食好正，单纯系个人口味。
*
日式串烧
正正常常，有唔同种类，鸡软骨、鸡翼、牛舌、秋葵等等，主要系食串烧酱汁。
*
甜品、水果
甜品整体属于中上水平，我食咗七八成甜品，唔会太甜，整体好食但唔会有特别惊艳嘅地方，有日式蕨饼食都算系惊喜。唯一要弹系炖蛋白炖到老晒，起泡。反而焦糖炖蛋非常出色，炖蛋滑、焦糖脆。
*
雪糕
有五六种雪糕杯可以任拣，有hagen dazs同维记榴连味，全部都系正常size，所以食完一杯就可以byebye，饱到飞起。
*
总结
如果系俾正价自助午餐$428，我就觉得唔抵食，但咁啱有酒店做优惠，买二送一，都可以考虑吓过下口瘾食一次咁大把。
张贴
