影片
更多
2021-07-23
1618 浏览
Staycation Package包咗双人自助晚餐🍽，睇返酒店大堂宣传牌都要价六百几蚊一位，试吓佢系咪真系值呢个价先😮！用餐时间由夜晚6点至10点，为咗睇日落8点先食，一入到餐厅见到自助吧由门口延伸到差唔多尽头，睇落好多嘢食㖞！食物就睇下面评价啦，服务方面收碟都几快，经常都有侍应经过，而且佢哋都乐意帮手影相📸️。另一个周到位系食物台系有盖嘅器皿附近，都有毛巾垫住，方便食客放低锅盖，夹食物更方便👍🏻。成间餐厅占地颇大，位于三楼低层望唔到维港景，令一边可以望到啲泳池景，而且楼底好高唔会有压迫感。不过天花𠮶啲紫色装饰灯，真系Foodie敌人，因为影啲相全部都有死亡Barbie紫💀，执色都执到晕————————————————👅日韩自助晚餐（平日$628/位）🔸海鲜类：👉🏻波士顿龙虾喺繁忙时间成日得几只，食落无咩味又干瘦🦞，加拿大蟹脚相对好少少，多肉啲同有啲海水咸味🦀，青口同虾都一般，痴壳就知新唔新鲜。每人每次可以拎两只生蚝，望住师傅逐只清洗，都系有少少蚝壳🦪，唔特别出色。冻海鲜拎咗一轮就够，胜在多选择👉🏻行到埋寿司档，见到有带子、海胆寿司同七吋阿根廷赤虾刺身，真系双眼发光🤩，刺身价位较高档，
食物就睇下面评价啦，服务方面收碟都几快，经常都有侍应经过，而且佢哋都乐意帮手影相📸️。另一个周到位系食物台系有盖嘅器皿附近，都有毛巾垫住，方便食客放低锅盖，夹食物更方便👍🏻。成间餐厅占地颇大，位于三楼低层望唔到维港景，令一边可以望到啲泳池景，而且楼底好高唔会有压迫感。不过天花𠮶啲紫色装饰灯，真系Foodie敌人，因为影啲相全部都有死亡Barbie紫💀，执色都执到晕
————————————————
👅日韩自助晚餐（平日$628/位）
🔸海鲜类：
👉🏻波士顿龙虾喺繁忙时间成日得几只，食落无咩味又干瘦🦞，加拿大蟹脚相对好少少，多肉啲同有啲海水咸味🦀，青口同虾都一般，痴壳就知新唔新鲜。每人每次可以拎两只生蚝，望住师傅逐只清洗，都系有少少蚝壳🦪，唔特别出色。冻海鲜拎咗一轮就够，胜在多选择
👉🏻行到埋寿司档，见到有带子、海胆寿司同七吋阿根廷赤虾刺身，真系双眼发光🤩，刺身价位较高档，部份五星级酒店都未必有提供。但系赤虾就够大只，冇咩虾味同鲜甜味，纯粹食紧一嚿虾肉刺身😫。海胆系甘甘甜甜，带子啖啖肉，隐约都食到啲鲜甜，厚切三文鱼尚算肥美，而且份量都俾得几多
🔸熟食类：
👉🏻简单啲讲句就真系乜种类都有食🗺，中式有片皮鸭、炒龙虾钳、花胶鸭掌、卤水烧味等，日式/韩式有炸物、天妇罗同人参鸡汤，鸡汤都几够味，炸蚝口感都唔错😋，但多数系贵多不贵精
👎🏻食自助餐最期待系食扒，牛扒同羊扒切出嚟系一圈啡色围住瘀红色部分🗿，用眼睇都知件扒拎得生果金，望落去都唔多开胃，食落韧到同汤渣有得挥
👎🏻另一贵价位系有香煎鹅肝配苹果酱，每人每次可以拎两件，鹅肝有一阵唔太讨好又好浓烈嘅肝酱味🤢，象征式有得俾你食下咁解
🔸甜品类：
👍🏻全民最值钱最无伏嘅回本位嚟喇！当晚有10款Movenpick雪糕任食🍦，每款味都唔错，个人最钟意云呢拿布朗尼同蓝莓芝士蛋糕味，配埋窝夫又得🧇，欣赏佢哋就算接近10点都唔会减少口味
👉🏻门口有一张长自助枱放晒唔同嘅甜品，有西式蛋糕、日式和菓子同水果🍉。对于一个有要求嘅甜品控（即系我），啲质素都系流流地啦，唯独系芒果拿破仑可以一试👌🏻，雪糕附近放咗热甜品，有中式糖水、豆腐花、葡挞仔⋯估唔到仲有即整心太软，临紧结束时间厨师都愿意帮我地用光波炉焗，10分钟后出返嚟拎，唔知系咪焗得耐，心太软都变咗心太硬🖤，用诚意搭救啦
🔸饮品类：
👉🏻提供自助咖啡机同茶水档可以自制茶啡等☕️，食自助餐都系饮下柠茶消滞好啲
🔸沙律类：
👉🏻有一张几大嘅自助吧放满唔同嘅沙律，有啲系自己mix，有啲系预先整好🥗，无试就比唔到comment
————————————————
🚩总结：我会形容系自助式形式嘅大食会，原价自费食就应该唔会啦⋯😅如果对食物质素唔高，应该都可以食得爽快
————————————————
🌟注意：可以事先打电话请餐厅帮手写生日快乐朱古力牌，会放系门口嘅外卖蛋糕柜，好彩J生经过无彩到，否则穿煲🤭！蛋糕要自己系自助吧夹，酒店唔会提供额外蛋糕，需要时同侍应讲就得，不过侍应姨姨都好好帮我排靓一碟，比返火柴同蜡烛🕯️，最后J生自己行出嚟踢爆咗我⋯真系惊喜破坏者⋯
————————————————
📍 Harbour Grand Café
地址：北角油街23号港岛海逸君绰酒店3楼
.
🗺地区：#bem北角
📥分类：#bem酒店
💰人均消费：#bem_401至800蚊
张贴
