RBTea (已搬遷) 新店位置

因为之前去左睇冰河世纪首影，送左张RBTea既优惠卷，于是同朋友去试下呢间以🐰仔做主题既餐厅。入座时无咩人，可以自己拣位坐。餐厅以自助形式服务，点餐要自己tick餐纸，再去比钱。不过就连水都要自己出去斟。朋友嗌左个晚市套餐: 香辣日式照烧汁意粉，配沙律&忌廉汤。但原来沙律只系蕃茄，而忌廉汤就饮得出系粉开既。意粉就几好味，有茄子、虾等配料，不过个人觉得唔辣。而我就嗌左焗忌廉野菌螺丝粉，上枱发现系无menu张相咁大份。无落芝士粉，螺丝粉上面既芝士都足够拉丝，唔错唔错。另外我地嗌左冰河梳打套餐，有冰河梳打&冰河脆香松饼。冰河梳打既颜色好吸引，系人人都中意既天蓝色不过雪糕未溶个阵饮落无咩味，雪糕溶左先有d甜味好饮d。我张优惠卷系嗌冰河祭产品就会送香肠西兰花芝士薄脆，系我中意薄底pizza，个底好脆，几推荐食到咁上下之后叫waiter准备上冰河脆香松饼，卖相几好，又系蓝色总结: 食物质素不过不失，唯独晚市套餐既沙律&忌廉汤要改善下。RBTea定期都有推出唔同主题既食物吸引食客，今次呢个冰河祭主题就岩晒暑假期间，唔知下次会系咩主题呢？