The Platter (悦品酒店‧荃灣)

营业中

休息中

最近同朋友试咗呢间荃湾悦品酒店嘅自助餐，第一次食呢间酒店，见佢自助晚餐有龙虾同生蚝供应，而且价钱亦唔算太贵。餐厅环境干净企理，座位又大又阔，四人枱张长梳化食饱瞓喺度都仲得。🦞 海鲜方面有面包蟹、翡翠螺、虾、青口、蟹脚、生蚝，而龙虾系熟食区用芝士焗，当晚全部海鲜都食匀晒，最钟意当然系龙虾，虽然每人每次限攞一只，不过根本都唔洗点排队，因为厨房出龙虾出得好快，生蚝亦相当正，无腥味又大只。🦐 刺身方面有三文鱼、墨鱼、马刀贝同贵价嘅阿根廷红虾，红虾超鲜甜真心无得顶。🍲 熟食方面好多菜式都围绕着海鲜，例如有豉椒炒蛏子、椒盐炸蟹、松子鱼、蟹钳伊面等等，椒盐炸蟹超级正，食落香脆啖啖肉。🧁 甜品除咗有雪糕外，仲有朱古力喷泉同 DIY 鸡蛋仔，小朋友又可以有得玩，整体嚟讲都相当满意，不过酒店为弥补位置上嘅不足，所以有接驳巴提供，而且酒店隔离仲有一个公众停车场，所以大家都唔需要担心。