Nomads (已結業)

黎到食午饭。首先可以去自助沙律吧拎野食，春卷炸得几脆同埋唔油腻，而且o仲系几热，唔错。其他冻嘅沙律都几新鲜，几开胃。然后就要排队出去整主食啦。首先要选择左主食嘅材料先，可以拣薄饼或者各式嘅粉面。然后就要将自己想食嘅配料放入器皿入面，包括有各种蔬菜，海鲜同埋肉食。按照自己想要嘅种类同埋份量拎好之后，就要系另一个小碗入面调教到时用黎炒嘅酱汁。所有野都准备好之后，就可以交比厨房去炒或者焗。约十分钟之后，侍应就会将完成品送过黎架啦。虽然过程真系几有趣，但味道方面，始终因为自己唔识控制各种材料嘅最坐比例，同埋材料都唔算新鲜。所以食嘅时候，只食到一堆酱好浓好湿咁，而食唔到材料本身嘅味道，而面亦都被煮到淋哂。