影片
更多
2016-07-26
915 浏览
第一次食丸亀制面！我叫嘅系牛肉麻酱捞乌冬，加咗一粒温泉蛋，跟餐仲有汽水送，日本嘢黎讲价钱都算抵先讲食物，牛肉好够味，份量都好足温泉蛋都好正，筷子一笃就流晒啲蛋黄出黎，唔会太熟！唯一唔知系咪整乌冬嘅姐姐落漏咗麻酱俾我，乌冬冇乜味，不过𠮶度有自助调味区，我斟咗啲鲣鱼酱油去捞乌冬食，竟然有惊喜！！！酱油非常鲜味，唔会话太咸，仲有满满嘅鲣鱼鲜味！捞落乌冬度食一流！讲完食物就讲服务，我都知道自助式唔会有咩服务，但都唔会系个个职员都你有你倾计，唔理食客挂？！我拎完乌冬去到收银前，竟然冇人系度，之后望去点餐𠮶边啲姐姐又系倾紧计，结果等咗好耐先有人出返黎，态度仲要麻麻，好似我阻住佢咁，真系好无语。。。
我叫嘅系牛肉麻酱捞乌冬，加咗一粒温泉蛋，跟餐仲有汽水送，日本嘢黎讲价钱都算抵
先讲食物，牛肉好够味，份量都好足温泉蛋都好正，筷子一笃就流晒啲蛋黄出黎，唔会太熟！
唯一唔知系咪整乌冬嘅姐姐落漏咗麻酱俾我，乌冬冇乜味，不过𠮶度有自助调味区，我斟咗啲鲣鱼酱油去捞乌冬食，竟然有惊喜！！！
酱油非常鲜味，唔会话太咸，仲有满满嘅鲣鱼鲜味！捞落乌冬度食一流！
讲完食物就讲服务，我都知道自助式唔会有咩服务，但都唔会系个个职员都你有你倾计，唔理食客挂？！我拎完乌冬去到收银前，竟然冇人系度，之后望去点餐𠮶边啲姐姐又系倾紧计，结果等咗好耐先有人出返黎，态度仲要麻麻，好似我阻住佢咁，真系好无语。。。
张贴