石之牛石板日式料理 (已結業)

今晚行完深水埗电脑商场，见到元州街有间石板烧牛肉店，门口布置好chill, 而店内装饰充满日本风情，座位空间宽敞冷气够。这里主打石烧牛肉，而唔食牛嘅都有猪、羊、鸡、鱼，每份约200g，任君选择先食沙律，配合苹果醋和胡麻酱shake埋食，好Fresh，欣赏佢地独立预先包装，干净卫生；罗宋汤酸酸甜甜好开胃，有少许牛尾肉增添肉香，仲有椰菜、红萝卜等香甜蔬菜，好味到饮左2碗；日本珍珠白饭，加埋芝麻饭素及海苔，更惹味，以上全是任食😆牛肩胛（200g）| $148上台时刚好一成熟，朋友钟意五成熟，即刻放系碟上，咁样可keep住肉汁；入口结实但完全唔韧，适合唔钟意食太稔嘅佢。跟餐配牛油粟米和薯条，新鲜炸起，好香脆和牛（200g）| $288石板上嘅和牛，发出滋滋声，热辣辣香喷喷，切落去多汁肉嫩，上面放了牛油，特别多了一份牛油香。酱汁有自家制芥末酱、黑椒汁和蒜蓉汁。店长推荐用芥末酱，既唔会抢走牛味，又可以突出和牛嘅肉味其实甜品都好吸引，不过食得太饱，真系无位放落个胃到，唯有下次嚟食过职员好有礼貌，介绍我地有咩推介之余，仲问你系咪够饱，对佢地d食物有咩评价等；对于我系ssp食饭系另一种体验