影片
更多
2019-05-24
2716 浏览
190522「无肉食」餐厅，顾名思义，净系得素食，无肉类。女友系少食肉嘅人，而我系钟意食菜多过食肉嘅人，一拍即合，今次就一齐嚟食素食自助餐。我哋准时六点正嚟到餐厅，成为第一台客人。餐厅楼底好高，台同台嘅空间足够，感觉舒适。墙身有不同挂饰，如字画，令环境增添艺术感。自助餐区分为几个部分：-电煲-电炉-炸物-冷盘电煲部份分别有：例汤、白粥同糖水（绿豆沙同苹果雪耳）。我哋净系试咗饮例汤-西洋菜汤，足料好饮。电炉部份主要有啲家常菜，如炒菜心、炒苦瓜同炒莲藕片。最令人惊喜嘅系炒豆角，豆制配料口感同味道都好似真肉粒😻，𩠌饭一流。炸物部分最野味，包括：春卷、炸豆腐、炸南瓜片。最爽口就系食炸金菇，外脆内软，百吃不厌😋。冷盘部分种类丰富，如有：薯仔沙律、羽衣甘蓝、罗马生菜。佢哋会不停refill新𩠌菜，令客人唔会觉得闷，包括冬瓜盅，清润解渴；麦芽糖山炸番薯粒，吸睛之选，蕃薯配麦芽糖丝原来系好夹㗎😋；芝士挞新鲜出炉， 十分满足。总括而言：「无肉食」素食餐厅值得推荐，环境舒适，坐得舒服，食物种类唔少，食物水平中上，偶有惊喜，性价比高（平均每人$110 ），迟下会再嚟食。我哋7:30走嘅时候几乎全场满座， w
「无肉食」餐厅，顾名思义，净系得素食，无肉类。
女友系少食肉嘅人，而我系钟意食菜多过食肉嘅人，一拍即合，今次就一齐嚟食素食自助餐。
我哋准时六点正嚟到餐厅，成为第一台客人。
餐厅楼底好高，台同台嘅空间足够，感觉舒适。墙身有不同挂饰，如字画，令环境增添艺术感。
自助餐区分为几个部分：
-电煲
-电炉
-炸物
-冷盘
电煲部份分别有：例汤、白粥同糖水（绿豆沙同苹果雪耳）。
我哋净系试咗饮例汤-西洋菜汤，足料好饮。
电炉部份主要有啲家常菜，如炒菜心、炒苦瓜同炒莲藕片。最令人惊喜嘅系炒豆角，豆制配料口感同味道都好似真肉粒😻，𩠌饭一流。
炸物部分最野味，包括：春卷、炸豆腐、炸南瓜片。最爽口就系食炸金菇，外脆内软，百吃不厌😋。
冷盘部分种类丰富，如有：薯仔沙律、羽衣甘蓝、罗马生菜。
佢哋会不停refill新𩠌菜，令客人唔会觉得闷，包括冬瓜盅，清润解渴；麦芽糖山炸番薯粒，吸睛之选，蕃薯配麦芽糖丝原来系好夹㗎😋；芝士挞新鲜出炉， 十分满足。
总括而言：「无肉食」素食餐厅值得推荐，环境舒适，坐得舒服，食物种类唔少，食物水平中上，偶有惊喜，性价比高（平均每人$110 ），迟下会再嚟食。
我哋7:30走嘅时候几乎全场满座， walk in嘅话可能无位坐，有兴趣嘅朋友记得预先订枱喇。
张贴
