牛摩+ (新都城中心二期) (已結業)

今日想食火锅去咗牛摩、冇乜期望点知有惊喜！咁啱佢啲员工研究紧增加冷盘小食选择、同埋增加紧出边自助区啲食物种类。⬇️平日午市90分钟精选牛肉/猪/鸡放题$109加一、下午茶时间去食简直饱到夜晚都唔使食。两个人可以拣两个汤底，试咗新出嘅泰国船汤 ☹️ 呢个汤底就非常淡、完全唔船汤。另外一个坚鱼汤就正正常常！⬇️首先食佢啲冷盘、的而且确比以前多咗选择。海草螺肉之外多咗青瓜黑木耳乜鬼土丝同埋一个疑似木瓜沙律 ⋯ 食呢啲都饱左三分一！而蔬菜丸类区多咗好多选择、贡丸白鱼蛋花枝丸之外多咗龙虾丸同埋黑色嘅花枝丸、𠮶啲年糕鱼片或者鱼饼(我估)都系新尝试放落去 ⋯ 仲有豆腐卜猪皮冰豆腐同鲜豆腐、除咗有芽菜油麦菜唐生菜仲多左通菜，真系心心眼。⬇️牛肉+鸡肉+猪肉都只系食咗每款一碟因为太多嘢食、嘢饮冰沙汽水咖啡都有(不过坏机)、而且会员 app 有免费虾可以叫。⬇️最后甜品柜有好好食嘅泡芙而且另一边仲有雪糕机可以任食。⬇️90分钟啱啱好饱到上心口！埋单仲要唔知点解会员有折两个人都系$214 … 如果食夜晚可能一个人嘅价钱都二百几、但系夜晚好似多咗三文鱼同寿司，Anyway 值得推介。