影片
更多
2017-03-26
8878 浏览
已經黎食好多次，每次都ok，咁就會再幫襯，食物係有水準，價錢係Harbour City黎講算相宜，今次都係等左40mins，算快。裝修不俗，可惜服務零分。從來未試過咁差嘅服務態度，排隊唔緊要，店員寧願執枱都唔同你落單，另一店員經過，已有眼神接觸，貌似應機的，都行過2次唔落單，係咩一會事？平伏心情，可能太忙者。發現轉左新菜單，有D唔同，但變化不大，都係正路越菜。店員上菜算快，但係都係衝過黎放低個醬就走，完全唔知咩黎，雖然黎食過幾次，但係D sauce同餸係分開上，都要介紹下，please。越式炸春卷($68)用basket上，春卷係幾好味，但係食到一半先知下面有配料，店員如果可以有多少少service，將碟同籃分開上，會食得開心D。會安軟殼蟹卷($78)每次都點，自己識食！軟殼蟹炸得頗鬆脆，配菜也很豐富，但係rice paper唔知點解都好煙韌。河內魚餅撈檬($68)是比較滿意的菜式，就係呢個雙色醬和青檸，真係唔知配咩食，要自研？！Anyway，魚餅好香口，有不同食材blend的，檬粉份量正常，配上醃菜和魚露，口感幾豐富和醒胃。越南碎米飯($86)甚有特色，有炸豬排、醃菜、蛋餅和少許麵係
發現轉左新菜單，有D唔同，但變化不大，都係正路越菜。
店員上菜算快，但係都係衝過黎放低個醬就走，完全唔知咩黎，雖然黎食過幾次，但係D sauce同餸係分開上，都要介紹下，please。越式炸春卷($68)用basket上，春卷係幾好味，但係食到一半先知下面有配料，店員如果可以有多少少service，將碟同籃分開上，會食得開心D。
會安軟殼蟹卷($78)每次都點，自己識食！軟殼蟹炸得頗鬆脆，配菜也很豐富，但係rice paper唔知點解都好煙韌。
河內魚餅撈檬($68)是比較滿意的菜式，就係呢個雙色醬和青檸，真係唔知配咩食，要自研？！Anyway，魚餅好香口，有不同食材blend的，檬粉份量正常，配上醃菜和魚露，口感幾豐富和醒胃。
越南碎米飯($86)甚有特色，有炸豬排、醃菜、蛋餅和少許麵係碎米上，蛋餅有肉碎和其他材料，有D乾身，texture幾特別，而碎米飯質感好有趣，值得一試。
埋單也不容易，要叫兩次先成功。
张贴
