一芳台灣水果茶 (已結業)

九点黎到都仲未收舖，心大心细要不要试下。见佢铺天盖地咁宣传话系台湾过江龙，水果茶嘅Number one，好似好巴闭咁，横掂黎到都系试下佢啦。条龙咁长都心知不妙，估唔到排队落单都排左15分钟，排到去所有茶品都差唔多卖清，但排左咁耐又无理由唔饮，系无得拣嘅情况下要左翡翠鲜奶（大杯）。翡翠鲜奶（$29）拎上手都真系几大杯，但冰呢？得三、两粒完全唔冻，返转头问下店员，原来冰用哂，呢杯系最后一杯冻饮，之后只卖热饮……其实无冰可以讲声，我买热饮都可以㗎，真系嬲左，一杯唔热唔冻嘅室温奶茶。至于味道方面，都系失望嘅，可能系茶都卖哂，所以杯野系无茶味，得奶味，我饮紧一杯奶水……PS。因为咩都卖哂，谂紧拣咩好之时，店员友善提醒好多人排队，唔买就企埋一边啦～THX。