影片
更多
2018-06-27
196 浏览
当日晚上有活动，决定黎食个早Dinner. 之前仲系by7080既时候来过食lunch，当时仲觉得好好一路都想返黎食过Dinner(因为有D食物要Dinner先提供), 终于今次有机会来试下晚市.由于来得早（6点前），店内其实冇咩客。因为唔食虾同内脏，决定唔叫世子御膳($218+10%)，先小试牛刀order住大君御膳先~ 入座开炉会之后, 餐厅会上炉边蛋，前菜同生菜. 前菜有白菜泡菜，鱿鱼泡菜，加上腌青瓜。 前菜都可以refill, 加落生菜夹肉一齐食一流当第一round野食到，我就好庆幸order咗最平既餐… 我两个人黎食，厨房出野食嘅时候自动将我填既数量除左2到3…… 鳗鱼同猪梅头我写2件佢黎一件… 烤生蚝同带子我写4佢黎2… 牛舌牛排骨同烟鸭胸我写9佢黎3… 其实我地真系食得到，两个人佢自动同我除完比单数我，烧完比边个食呢？鳗鱼同梅头我要仲要剪开一人一半先得叫左4round，厨房嘅自动除数都做得好稳定，我唯有努力做乘数去弥补配合一下… 最过份喺连熟食都漏，第2 round已经叫水冷面同炒粉丝，冇黎过。第3round落order既时候要特登同女侍应讲要佢生菜上多D（对上一次除完净
由于来得早（6点前），店内其实冇咩客。因为唔食虾同内脏，决定唔叫世子御膳($218+10%)，先小试牛刀order住大君御膳先~ 入座开炉会之后, 餐厅会上炉边蛋，前菜同生菜. 前菜有白菜泡菜，鱿鱼泡菜，加上腌青瓜。 前菜都可以refill, 加落生菜夹肉一齐食一流
当第一round野食到，我就好庆幸order咗最平既餐… 我两个人黎食，厨房出野食嘅时候自动将我填既数量除左2到3……
鳗鱼同猪梅头我写2件佢黎一件… 烤生蚝同带子我写4佢黎2… 牛舌牛排骨同烟鸭胸我写9佢黎3… 其实我地真系食得到，两个人佢自动同我除完比单数我，烧完比边个食呢？鳗鱼同梅头我要仲要剪开一人一半先得
叫左4round，厨房嘅自动除数都做得好稳定，我唯有努力做乘数去弥补配合一下… 最过份喺连熟食都漏，第2 round已经叫水冷面同炒粉丝，冇黎过。第3round落order既时候要特登同女侍应讲要佢生菜上多D（对上一次除完净返5块…）同熟食上次冇黎提醒佢帮手跟吓，咁先有熟食食（不过其他野食照旧除2除3）
仲有，明明成间铺我个时间咁早根本冇咩人，上左熟食之后，竟然当我哋将上一round既肉烧晒，食完，再食埋熟食，都仲未黎新round既肉…… 老老实实，其实我真系未试过一次食放题会个炉开著台面炉头连自己只碟上面都冇野食… 除左熟食之外真系咩都冇… 唯有食住年糕粉丝冷面顶住肚先，食到我食咗大半蝶年糕，试埋冷面粉丝，D肉都未黎
成餐嚟野食来得最齐喺最后一round, 叫左鸡翼同鱿鱼圈，两样我都唔食既，再加埋鸡肉试下。不过友人根据对上几round经验自动将食物份量x2，点知唔知系唔系因为呢round 都系平野既关系… 估佢唔到竟然写两件真系黎两件！其中有D嘢系我唔食既关系，今次黎足份量嘅后果就系食到友人顶到上心口…
其实我地俾二百几蚊，两个人食既份量唔系真系咁多，未至于多到上菜要计除数(连第一round都同我除…)，仲要拖数吓嘛…
好，除左自动除数同唔知唔小心定蓄意嘅漏单之外，要评价下食物同服务质素。
食物质素比我对上一次黎食lunch明显差咗。最好食喺牛肋肉烟鸭胸同鳗鱼。炉边蛋好食，我地有encore 牛胸肉唔知点解薄薄一片不过好肥（似肥牛…）所以冇叫第二round. 猪五花腩已经冇印象中咁好食，不过份量系足既… 牛肋骨不过不失冇咩特别冇叫第二round. 烤牛肉入味多汁夹生菜唔错。
熟食黎讲试咗水冷面，辣炒年糕同炒粉丝。水冷面汤唔够酸酸甜甜，面过软黐埋一旧, 认真麻麻地，建议无谓晒 quota。辣炒年糕年糕烟韧好食，不过同炒嘅鱼糕吸晒D汁显得过咸。炒粉丝正常水准，好过水冷面嘅.
服务方面，厨房一定系入得去做要心算好劲先得，楼面服务唔错，系入单难D揾人不过系有服务嘅，特别系换铁板主动性好好。冇煤气既时候揾人换气效率都好高，问甜品方面问题既时候都好乐意解答。
甜品只要去到facebook like咗个post再openrice bookmark埋就可以任食韩国雪条, 唔识waitress会好好咁教你，服务好好。雪条有melona coconut, mango, melon同strawberries. 另外有potong 紫米同红豆，仲有香蕉奶沙冰同咖啡雪糕条。melona真系好好食，蕉奶沙冰我钟意饮蕉奶既朋友好欣赏，咖啡雪糕条我就好like, 可惜冇见到其他地方有得买
洗手间去咗女厕，请女士们记得自己带纸巾因为成个女厕所有四格，系冇任何一格提供纸巾既，包括洗手盆隔离。卫生方面感觉唔算太好不过可以接受。
overall黎讲，我系食到一肚气，甜品搭救。应该唔需要再返黎试其他御膳，因为就算其他御膳食物质素有机会好D，都会系减量漏单嘅。与其食嘢餐饭要无限计乘数，差唔多价钱不如去食另一间啦～
张贴