影片
更多
2021-05-01
549 浏览
近年愈多愈酒店出staycation，朋友仔反而会睇下有咩酒店餐厅好食，今次就拣铜锣湾酒店嘅意大利餐厅食个Lunch。其实平时揾食真系好少行到近跑马地果边嘅铜锣湾，所以本身都唔知呢度有新餐厅。餐厅本身喺皇冠假日酒店里面，门口已经见到系走优雅风，里面环境舒适，好有空间感，唔会想做多啲生意而放多啲台。可惜坐唔到梳化或靠窗位置，果边影相一定再靓啲。Menu有时2至4个course选择。率先上台嘅系一盘面包，面包控朋友见到双眼发光，三款分别系圆圆嘅酸种面包、长长嘅Grissini、及脆脆嘅薄片， 酸种面包真系好好味上台时热辣辣仲冒烟，外皮焦脆，内里保持到湿润，蘸埋充满橄榄香嘅橄榄油，一个都真系唔够两个人分。Fresh Burrata Cheese芝士控拣芝士弃带子，Burrata Cheese以水牛芝士加忌廉做成，奶香出众不油不腻，伴以甜美的小番茄同回甘火箭菜，好fresh好清新，系适合夏天嘅开胃菜。Roasted Scallop 想浓味少少可以拣带子，面层系48个月嘅黑毛猪火腿，满满咸香味兼充满油份，带子鲜甜软嫩，两种唔同味道竟然好夹。Hirame Flounder菜式卖相精致，增加打卡度。
近年愈多愈酒店出staycation，朋友仔反而会睇下有咩酒店餐厅好食，今次就拣铜锣湾酒店嘅意大利餐厅食个Lunch。其实平时揾食真系好少行到近跑马地果边嘅铜锣湾，所以本身都唔知呢度有新餐厅。餐厅本身喺皇冠假日酒店里面，门口已经见到系走优雅风，里面环境舒适，好有空间感，唔会想做多啲生意而放多啲台。可惜坐唔到梳化或靠窗位置，果边影相一定再靓啲。
Menu有时2至4个course选择。
率先上台嘅系一盘面包，面包控朋友见到双眼发光，三款分别系圆圆嘅酸种面包、长长嘅Grissini、及脆脆嘅薄片， 酸种面包真系好好味上台时热辣辣仲冒烟，外皮焦脆，内里保持到湿润，蘸埋充满橄榄香嘅橄榄油，一个都真系唔够两个人分。
Fresh Burrata Cheese芝士控拣芝士弃带子，Burrata Cheese以水牛芝士加忌廉做成，奶香出众不油不腻，伴以甜美的小番茄同回甘火箭菜，好fresh好清新，系适合夏天嘅开胃菜。
Roasted Scallop 想浓味少少可以拣带子，面层系48个月嘅黑毛猪火腿，满满咸香味兼充满油份，带子鲜甜软嫩，两种唔同味道竟然好夹。
Hirame Flounder菜式卖相精致，增加打卡度。鱼肉味道鲜香，加上clam jus有提鲜作用，味道层次丰富。
Homemade Fettuccine 自家制嘅阔条面果然唔同啲，口感扎实弹牙，仲有淡淡面粉香，配搭新鲜羊肚菌，菌香四溢，加上带芝士香气嘅酱准，味浓却不会过腻，食完仲好饱足。
餐厅胜在接近跑马地果边，所以较为清静。装潢用上灰蓝调，营造写意空间氛围，加上玻璃窗引入阳光，成餐饭都食得好舒服。
张贴
