一起果醬 (已結業)

喺佐敦地铁站出黎，大约行5分钟到就嚟到呢间餐厅。餐厅门外嘅装修都好靓，好有古典cafe风格。室内主要系用木嘅装饰同餐桌椅，别有风味。餐牌内提供左6个晚餐套餐选择。朋友点咗个慢煮厚切安格斯西冷扒配玫瑰苹果汁。我就无拣套餐，单点个黄金蟹肉软壳蟹意粉，玫瑰苹果酱单骨鸡翼。饮品方面叫左热既木瓜雪耳鲜奶。饮落有啖啖嘅木瓜同雪耳，鲜奶非常滑身。黄金蟹软壳蟹意粉非常出色，意粉配上蛋黄碎，蟹肉简直一流！单骨鸡翼则以自家制果酱作为调味，外脆内juicy! 试咗朋友嘅西冷扒一啖。牛扒煮得刚刚好，够嫩。沙律菜亦非常新鲜。最后甜品点了果酱厚多士。果酱拣左玫瑰苹果。玫瑰苹果果酱唔会太甜，苹果亦唔会盖过咗玫瑰嘅香味。食落时有啖啖玫瑰清香，配上热腾腾厚多士一流。总括而言，基本上每道菜都用上自家制果酱为配料，配搭味道非常出色！