大源味

营业中

休息中

机器出品同亲手制作嘅水饺，真系大不同，就好似寿司咁，用手制作嘅会加添温度同师傅嘅手艺。作为小店嘅西环大源味，唔卖花巧，卖点系老板坚持亲手制作手工饺子，口味选择多打六款，以真材实料吸引街坊顾客。麻辣鸡肾鸡肾爽口弹牙，麻辣嘅辣度适中，非常惹味，作为开胃菜相当不错。秘制青瓜云耳青瓜爽脆多汁，云耳新鲜弹牙，重点当然系店家嘅秘制酱汁，酸酸哋嘅调味，够晒醒胃。汤白菜鲜肉饺好味嘅饺子，皮薄馅靓，缺一不可，而大源味绝对达标。猪肉半肥瘦，加上鲜甜爽脆嘅白菜，当咬开饺子皮后，会爆出汤汁，好好味。煎京葱牛肉饺汤饺、煎饺各有捧场客，而香口嘅煎饺，更深得我心。京葱香浓鲜甜，同牛肉绝对系最佳拍档。咬开香脆微㶶嘅外皮，肉汁四溢，惊喜十足。