影片
更多
2022-12-05
879 浏览
槪览：用心制作、用料充足。份量够饱。价钱唔算好平，但足料令人冇投诉。首先讲汤底，头啖汤胡椒味系好出，再饮落就唔够第一啖咁特出，味蕾会习惯味道。汤系几浓厚，不过连埋料放喺个煲仔度，实在唔算好多汤水饮，汤怪嚟到食个餐未必会止得到汤瘾。整体评个汤底，都系正面嘅。花胶：全煲汤中只揾到3小片花胶，质感软滑。如果店方提供豉油/辣椒豉油供蘸用，可能花胶会更好食。鸡肉：相信 serve 嘅鸡件全部用过嚟熬汤，所以质地讲唔上嫩滑，但又未至于鞋口，算系仲合格当𩠌食。要 highlight 鸡脾同鸡翼（一个餐中鸡脾同鸡翼各一）系特别香同滑，系特别好味！鸡件全部连皮，啲皮都几厚，可以想像，落埋呢啲厚鸡皮熬汤，一定渗唔少鸡油落个汤度。客饮汤时，个汤则系清嘅，少油份，店方应该花唔少心机煮汤时「片」走多余鸡油，净系呢个步骤都功夫不少！除咗 item 名列明嘅材料花胶、猪肚同埋鸡之外，更有茹菌（原条&切片最少两类唔同嘅茹）、两粒贡丸同豆腐。不得不提，贡丸味道好好，好多肉汁同香菇味，质感弹牙，好好送饭！豆腐亦系估唔到咁惊艳！豆腐软滑到有日本高级豆腐或者处理得宜嘅炖蛋嘅质素！好可惜豆腐份量唔多，又切得太过细粒，实在唔太试
首先讲汤底，头啖汤胡椒味系好出，再饮落就唔够第一啖咁特出，味蕾会习惯味道。汤系几浓厚，不过连埋料放喺个煲仔度，实在唔算好多汤水饮，汤怪嚟到食个餐未必会止得到汤瘾。整体评个汤底，都系正面嘅。
花胶：全煲汤中只揾到3小片花胶，质感软滑。如果店方提供豉油/辣椒豉油供蘸用，可能花胶会更好食。
鸡肉：相信 serve 嘅鸡件全部用过嚟熬汤，所以质地讲唔上嫩滑，但又未至于鞋口，算系仲合格当𩠌食。要 highlight 鸡脾同鸡翼（一个餐中鸡脾同鸡翼各一）系特别香同滑，系特别好味！鸡件全部连皮，啲皮都几厚，可以想像，落埋呢啲厚鸡皮熬汤，一定渗唔少鸡油落个汤度。客饮汤时，个汤则系清嘅，少油份，店方应该花唔少心机煮汤时「片」走多余鸡油，净系呢个步骤都功夫不少！
除咗 item 名列明嘅材料花胶、猪肚同埋鸡之外，更有茹菌（原条&切片最少两类唔同嘅茹）、两粒贡丸同豆腐。不得不提，贡丸味道好好，好多肉汁同香菇味，质感弹牙，好好送饭！豆腐亦系估唔到咁惊艳！豆腐软滑到有日本高级豆腐或者处理得宜嘅炖蛋嘅质素！好可惜豆腐份量唔多，又切得太过细粒，实在唔太试得真佢味道如何/够唔够豆香味。但佢嘅质感系震憾到我忍唔住要向老板娘请教究竟豆腐系何方神圣，点解咁好味！老板娘话原来佢每次开铺前都要亲自去附近嘅瑞和街街市买豆腐。佢话佢几经试验，先发现而家用紧呢款豆腐系同一街市中最软滑出色嘅。而呢间咁正嘅豆腐，系出自瑞和街街市嘅「鱼肉太太」铺头（呢间铺总之唔喺一楼，喺更高街市楼层。「鱼肉太太」铺头名未查证，大家如有兴趣，可以去瑞和街街市求证吓铺头名系咪真系「鱼肉太太」，同埋啲豆腐系咪点煮都咁好味）。
题外话/补充资料：
套餐如本身配饭，转配米粉另加$5；套餐本身配米粉转配饭，则无需加钱。餐厅有少量铺外位，无冷气供应。听到有客人欲冒险 order「暗黑料理」外卖，但老板娘话卖晒。
(以上食记乃用户个人意见 , 并不代表OpenRice之观点。)
张贴
