大家樂 (已結業)

呢日喺金钟听完讲座，想食埋晚饭先返归。不过，又唔想食饭。咁啱俾我见到"和风纸上烧"，见价钱同一哥火锅差唔多。咁就一于体验下乜野系纸上烧。首先，食物既摆位都几整齐。喺烧之前，会有一个日式蒸蛋。蒸蛋好有蛋味，而且好滑同惹味。可以减低油腻既感觉。配料主要有金菇牛肉卷、露笋牛肉卷。仲有一串鸡软骨。其他既配料都系杂菜丝同一件冬菇。肉食方面，牛肉卷都算几出色既。味道都几可口，肥牛都算几新鲜既。但对比上，露笋牛肉卷会得我欢心，可能我唔系太钟意食金菇啦。而鸡软骨既腌味都几可口，不过得一串既鸡软骨就好似少左啲啦。食到最后，仲有个乌冬可以自已炒。首先，将乌冬放入个炉到。之后可以加上乌冬汁同杂菜炒，炒左一阵就食得架啦。我个炒乌冬都唔错既，虽然个卖相争少少。不过味道都ok既。四十几蚊自已煮饭仔，抵唔抵真系见人见智啦。食物整体上都ok既，个份量真系几饱架。佢地又惊你唔识煮饭仔，仲有张纸教你点烧同炒啲野食。认真的贴心。