壹燒鵝 (興裕大廈) (已結業)

同女女快闪天后食lunch，呢间烧味舖正正系巴士站落车个位，平时坐巴士经过都见到。店面同一般烧味舖无异，但里面别有洞天。外面望以为铺头细细，无装修，行入去先见到咁令，咁有心思。布置得有点cafe feel, 梳化位舒适，仲有cushion。楼上还有一层，可以包场开party。我叫了呢度出名的烧鹅髀饭，另加只咸蛋。餐厅系源自深井陈记烧鹅，而且所有烧味都是店内自家烧制，所以食物质素有一定保证。烧鹅髀啖啖肉，皮香肉嫰，送饭食既滋味又饱肚。女女就食油鸡髀拼烧腩仔饭，油鸡超滑溜，熟度刚刚好，骨头中仅有点红，鸡肉刚刚熟系最滑的，加杯冻阿华田，完美的午餐!