影片
更多
2020-03-08
4707 浏览
早前经过K11嘅「La Creation de Gute」，被佢啲装潢吸引到，而第二朝嘅早餐又未谂，心谂就不如入去睇睇，有啲咩高质素面包卖，用嚟第二朝做个丰富嘅周末早餐。左右两排都摆咗好多面包款式，一时间真喺花多眼乱，先走一圈，睇睇有咩心水。最后，发现一款颇为眼熟嘅款式，就喺店家标示嘅「Best 2」：欧陆杂果法包（$28），点解话佢眼熟呢？因为晌屋企附近间「A1 Bakery」买过，而呢款包老婆都好钟意食，所以，印象深啲。俾钱时，问问店员，原来「La Creation」跟「A1 Bakery」都喺同属一个集团。$28一个面包，平就肯定唔平喇，但就确喺真材实料，拎起嚟几坠手。外观烘得金黄，以法包为基础，内里就混有超多提子干、莓干、南瓜子、合桃……等等。将面包烘番暖就宁舍好食，咬落包面脆脆哋，包心就带柔韧性，口感实在，跟食港式好唔同；而内里嘅干果粒、坚果粒，就令到个口感好丰富。再伴上一大份菌蘑粟米奄列，搭杯滴漏咖啡，成为好一份好称心满足嘅自家制早餐。疫情下，已好耐无晌星期六出街食早餐，唔知呢啲日子仲要过几时，只好忍耐一下。但只要能够晌生活揾啲点子、花点心思，一样可以令生活变得不一样，唔枯
左右两排都摆咗好多面包款式，一时间真喺花多眼乱，先走一圈，睇睇有咩心水。
最后，发现一款颇为眼熟嘅款式，就喺店家标示嘅「Best 2」：欧陆杂果法包（$28），点解话佢眼熟呢？因为晌屋企附近间「A1 Bakery」买过，而呢款包老婆都好钟意食，所以，印象深啲。俾钱时，问问店员，原来「La Creation」跟「A1 Bakery」都喺同属一个集团。
$28一个面包，平就肯定唔平喇，但就确喺真材实料，拎起嚟几坠手。外观烘得金黄，以法包为基础，内里就混有超多提子干、莓干、南瓜子、合桃……等等。
将面包烘番暖就宁舍好食，咬落包面脆脆哋，包心就带柔韧性，口感实在，跟食港式好唔同；而内里嘅干果粒、坚果粒，就令到个口感好丰富。再伴上一大份菌蘑粟米奄列，搭杯滴漏咖啡，成为好一份好称心满足嘅自家制早餐。
疫情下，已好耐无晌星期六出街食早餐，唔知呢啲日子仲要过几时，只好忍耐一下。但只要能够晌生活揾啲点子、花点心思，一样可以令生活变得不一样，唔枯燥！
张贴
