小念頭 (億利工業中心)

营业中

休息中

最近去咗小念头下午茶，有部分食物都几值得特别推介。首先，佢哋嘅铁观音芝士蛋糕。呢个蛋糕系以绵滑嘅铁观音茶mouse为基础，同芝士蛋糕好夹，口感浓郁。每一口都带住鲜明嘅茶香，蛋糕嘅质地亦好实净。呢款甜点绝对系茶同芝士爱好者嘅不二之选。然后，就系佢哋嘅咖啡酒巴斯克烧芝士蛋糕。系浓郁、顺滑嘅芝士口感。食多几啖先至有酒香。流心做得好靓, 但我个人偏好实净啲嘅口感。如果你想试下佢哋嘅主餐，我强烈推荐呢款牛舌芯定食。牛舌整得好嫩滑，入口即软身得嚟有焦香。而配料方面，除咗汤、蛋同溃物，仲有好多丰富嘅配菜。汁料嘅味道非常浓郁，为整道菜带嚟更多层次嘅风味。呢款牛舌心定食唔止色香味俱全，份量亦十足，绝对可以满足你嘅味蕾同胃口。至于茶嘅选择，小念头都有好多款。我朋友叫咗东方美人同桂圆杞子茶。而我就拣咗一杯特别嘅黑杞子桑葚蜜茶，味道系桑子嘅甜。呢杯茶唔止香甜，仲有滋补功效，系一个好特别嘅选择。小念头环境尚算舒适, 茶嘅选择都令成个体验愉快。