Pam's Cookies

营业中

休息中

去赤柱玩半日，之后系啲横街小巷入面见到呢间舖头。间舖除咗卖啲小饰物摆设之外，仲有卖自家制曲奇。老板娘好好人，好热情咁叫我地试食曲奇饼。我试咗八只味，绿茶，朱古力，咖啡，伯爵茶，原味，玫瑰味，胡椒味同莓味。味道可以任意配搭，可以一盒盒咁买，又可以几块几块咁买。试食完呢几款之后，我觉得伯爵茶味同玫瑰味最好食，好松化。最特别系胡椒味，第一次见到曲奇饼有胡椒味，食落都好特别，有阵淡淡地咸咸地胡椒味，同牛油味好夹。虽然小本生意，但系都比得上其他出名牌子。黎到赤柱，可以去买几块黎试下。舖头入门仲有好多好可爱嘅饰物！