銘陽車仔麵 (已搬遷) 新店位置

都好似有一排冇食车仔面，今次去左荃湾试新开冇耐既车仔面店，听闻有秘制沙爹酱，好似好吸引，就去试下～环境餐牌菜单有好多选择拣，唔止粗幼面，连刀削面都有。自选四𩠌一面　$42拣左沙嗲酱汤底配粗面，𩠌就拣左咖喱辣鱿鱼、炭烧猪颈肉、柱侯牛腩同炸鱼皮。沙嗲酱汤底必点！沙嗲酱同麻辣酱都系老板自己调味，招牌无味精，食完唔口渴，劲浓沙嗲味，仲有小小辣味，问店员仲可以再加沙嗲酱添。而粗面几弹牙，又可以挂汁，份量一定够一个人食。至于咖喱辣鱿鱼，一向都好惹味，辣鱿鱼size好粗，咖哩又入味，份量够多，食车仔面必点。炭烧猪颈肉好有火喉，炭烧感重。柱侯牛腩同炸鱼皮就正正常常。香港实在好多车仔面小店，今次试既呢间都唔错，选择多，酱汁又好食，荃湾食车仔面又多一选择。