壹燒鵝 (興裕大廈) (已結業)

朋友突然间想食烧鹅、冇理为咗只烧鹅特登入深井架嘛。 上网睇， 见到有间喺天后附近， 见近近地就去试下。 入到去餐厅， 一望就知系专做街坊生意， 感觉好亲切。 据说餐厅嘅烧味全部都系自家烧制， 望两望就决定咗食乜喇 - 烧鹅（例牌，上庄）、 烧腩仔 同埋鱼香茄子。 烧鹅味道唔错， 平时烧鹅上庄呢个位有机会会鞋口， 但呢度冇呢个问题， 价钱比深井平， 赞！烧腩仔， 肉同肥膏比例系我心水（1/3 肉 2/3肥）， 个皮烧得好香脆， 最爱！ 对比之下， 鱼香茄子就冇特别， 同平时其他餐厅嘅味道咁上下。 但值得一赞嘅系个份量够大碟。 整体感觉唔错， 价钱合理， 下次可以试吓唔同嘅烧味！