影片
更多
2018-02-11
57 浏览
相信好多喺香港长大嘅人，从少就会接触到荳品。冬天时，细细个就已经喺7-11叫爸爸妈妈买热维他奶饮；夏天时，又会叫家人同自己去食冻冰冰嘅豆腐花。家常小菜总离唔开荳品。每次去唔同嘅荳品店，都有唔同嘅感受。有啲老店，会令我有种怀旧感，不时会去怀缅一下以前同婆婆一齐买完𩠌，好开心咁食豆花嘅开心时光。今次，去嘅系一间新店。但，原来新店亦别有一番风味。小店位于铜锣湾嘅闹市，正正就系Times Square嘅斜对面。行完街想去揾车搭返屋企嘅时候就经过见到佢，即刻同大少入去叹下豆花先。今时今日，想喺闹市站得住脚一啲都唔易，要保持品质之余都要创新，呢度就令我觉得两者兼备喇！平时食豆花都系加糖水或者黄糖，我叫嘅呢个姜汁红豆豆花就系加咗平时食蕃薯糖水果啲姜汁，甜度刚好，姜味非常浓郁但又唔会辣到盖过豆香，配上滑滑嘅豆花，真系好夹。红豆大大粒，唔会煮到过腍，依然有少少咬口。创新当然唔止一样啦！呢杯系胚芽豆花豆浆，听个名可能会好疑惑究竟系豆花定系豆浆啊？佢就系二合一喇！以前系台湾都有饮过类似嘅饮品，系杯豆浆入边加入豆花，有得食有得饮。但系呢度仲可以配搭唔同嘅配料，好似胚芽啊凉粉啊等等⋯⋯以前细细个净系钟意食豆腐花
每次去唔同嘅荳品店，都有唔同嘅感受。有啲老店，会令我有种怀旧感，不时会去怀缅一下以前同婆婆一齐买完𩠌，好开心咁食豆花嘅开心时光。
今次，去嘅系一间新店。但，原来新店亦别有一番风味。
小店位于铜锣湾嘅闹市，正正就系Times Square嘅斜对面。行完街想去揾车搭返屋企嘅时候就经过见到佢，即刻同大少入去叹下豆花先。
姜汁红豆豆腐花
8 浏览
0 赞好
0 留言
今时今日，想喺闹市站得住脚一啲都唔易，要保持品质之余都要创新，呢度就令我觉得两者兼备喇！
平时食豆花都系加糖水或者黄糖，我叫嘅呢个姜汁红豆豆花就系加咗平时食蕃薯糖水果啲姜汁，甜度刚好，姜味非常浓郁但又唔会辣到盖过豆香，配上滑滑嘅豆花，真系好夹。红豆大大粒，唔会煮到过腍，依然有少少咬口。
胚芽豆花豆浆
9 浏览
0 赞好
0 留言
创新当然唔止一样啦！呢杯系胚芽豆花豆浆，听个名可能会好疑惑究竟系豆花定系豆浆啊？佢就系二合一喇！以前系台湾都有饮过类似嘅饮品，系杯豆浆入边加入豆花，有得食有得饮。但系呢度仲可以配搭唔同嘅配料，好似胚芽啊凉粉啊等等⋯⋯
煎酿豆腐
10 浏览
0 赞好
0 留言
以前细细个净系钟意食豆腐花，每次婆婆叫煎酿豆腐我都净系食咗够鱼肉就算，都唔识得欣赏煎酿豆腐嘅美味。呢度嘅煎酿豆腐真系好唔错，豆腐够实净，但系唔会系觉得硬绷绷嘅口感！鱼肉嘅比例刚刚好，夹埋嚟食真系好好味！而且佢煎到两面金金黄黄，仲带啲香口嘅感觉㖭！
我同大少一路点头一路话好好食，唔知系店员定系老板娘嘅一位女士就同我地讲呢度几多荳品全部都系每日新鲜制作，自家制所以荳品都系好新鲜嘅。听完呢句更加觉得值得支持下，喺香港做生意咁困难，仲要系呢一啲手作嘅工业，更加值得支持！
张贴
