影片
更多
2021-11-03
930 浏览
秋高气爽，最岩去行山！好似每次行到入赤柱，都系去海旁嘅露天酒吧，食下炸鱼薯条饮下啤酒。今次入黎终于唔系食西餐！而系食日式居酒屋！居酒屋主打一系列特色料理，除左最基本嘅串烧、刺身、寿司，仲有和风鳗鱼梳乎厘饭、士多啤梨豚肉卷等风味十足、打卡一流嘅菜式。餐厅仲系pet-friendly添架！▪️自家制免治鸡肉丸 $58一上枱超香！鸡肉丸大大粒，加有粒粒鸡软骨，软腍带点嚼劲，口感丰富。鸡味比想像中突岀！肉丸本身已调味十足！ 占上生鸡蛋特色酱汁，滑溜惹味~▪️白鳝 $78白鳝外皮烧得超脆！厚肉弹牙！充满肉汁！唯独有啲细骨。真心要趁热食！有一串摆耐左，即刻无咁脆 仲有啲腥添。▪️葱吞拿鱼牛油果他他 $108当吞拿鱼遇上牛油果，软滑清新。面头有啲惹味嘅碎碎同鱼子，仲可以用紫菜包住黎食，为他他增添左一丝咸香微辣。▪️明太子白饭鱼薄饼 $128薄饼饼底超薄脆！馅料丰富，满布芝士、爽滑嘅野菌、白饭鱼，仲有一大pat明太子，咸香十足。趁热食仲有拉丝！▪️Matcha Shaved Ice $58刨冰口感唔似一般嘅绵绵冰，而系充满冰粒颗粒感。虽然口感唔讨好，但抹茶味意外地突岀，属大众浓度，奶味又唔会好重，重点系食到最底
居酒屋主打一系列特色料理，除左最基本嘅串烧、刺身、寿司，仲有和风鳗鱼梳乎厘饭、士多啤梨豚肉卷等风味十足、打卡一流嘅菜式。餐厅仲系pet-friendly添架！
▪️自家制免治鸡肉丸 $58
一上枱超香！鸡肉丸大大粒，加有粒粒鸡软骨，软腍带点嚼劲，口感丰富。鸡味比想像中突岀！肉丸本身已调味十足！ 占上生鸡蛋特色酱汁，滑溜惹味~
▪️白鳝 $78
白鳝外皮烧得超脆！厚肉弹牙！充满肉汁！唯独有啲细骨。真心要趁热食！有一串摆耐左，即刻无咁脆 仲有啲腥添。
▪️葱吞拿鱼牛油果他他 $108
当吞拿鱼遇上牛油果，软滑清新。面头有啲惹味嘅碎碎同鱼子，仲可以用紫菜包住黎食，为他他增添左一丝咸香微辣。
▪️明太子白饭鱼薄饼 $128
薄饼饼底超薄脆！馅料丰富，满布芝士、爽滑嘅野菌、白饭鱼，仲有一大pat明太子，咸香十足。趁热食仲有拉丝！
▪️Matcha Shaved Ice $58
刨冰口感唔似一般嘅绵绵冰，而系充满冰粒颗粒感。虽然口感唔讨好，但抹茶味意外地突岀，属大众浓度，奶味又唔会好重，重点系食到最底都唔会淡茂茂无晒味。甜度低，偶有一丝回甘~ 旁边仲配左柔软嘅蕨饼同香甜软绵嘅红豆。
▪️士多啤梨沙冰 $58
大大杯沙冰~ 溶得比较快，冰感唔会话好重，士多啤梨味一啲都唔假。
张贴
