影片
更多
2021-11-13
493 浏览
做完野去附近揾食，见到呢间叫大鼻卤嘅粉面店，个名咁得意就试下佢先。店内好旺坐满客，好彩最入仲有张枱唔使等位啫，坐低后店员送上热水。睇下餐牌叫咩先，除咗粉面，仲有得叫饭㖞，早餐同下午茶时段仲可以加一蚊就有冷热饮品，哗，抵㖞！咁热天，叫返杯冻柠茶走甜先，唔知系咪茶底热呢？有杯冰另上，正呀。一般叫走甜黎到杯饮品都系唔冻嘅，我估系无预备无糖嘅茶底啦。呢度自动比多杯冰太好了，讲返杯柠茶，茶味都唔错，仲有四片柠檬够香口。叫左碗面加碟菜，有肉有菜系咪健康啲先？哈哈，自我感觉良好。都几大碗㖞，多汤正。本来叫个崩沙腩面，店员推介佢哋个云吞同鱼蛋都自家制有保证，横掂咁肚饿叫丰富啲都好合理吖。碟菜都好大碟，咁样都系加七蚊咋，抵食！通菜爽口唔老身，腐乳酱咸香微辣，正。崩沙腩好得，入口咸香鲜味，软腍得黎筋位又有咬口，少少脂肪位更甘香，好味好味。试埋店员推介嘅云吞同鱼蛋，无失望㖞，云吞鲜虾大大只够爽口，肉鲜味，食得出新鲜包起。鱼蛋弹牙唔腥，真系好食㖞。汤底无乜惊喜，但饮左大半碗都无口渴，应该系无添加啦。面爽口无碱水味，好食。又平又好味，唔怪得咁多人啦！
店内好旺坐满客，好彩最入仲有张枱唔使等位啫，坐低后店员送上热水。睇下餐牌叫咩先，除咗粉面，仲有得叫饭㖞，早餐同下午茶时段仲可以加一蚊就有冷热饮品，哗，抵㖞！
咁热天，叫返杯冻柠茶走甜先，唔知系咪茶底热呢？有杯冰另上，正呀。一般叫走甜黎到杯饮品都系唔冻嘅，我估系无预备无糖嘅茶底啦。呢度自动比多杯冰太好了，讲返杯柠茶，茶味都唔错，仲有四片柠檬够香口。
叫左碗面加碟菜，有肉有菜系咪健康啲先？哈哈，自我感觉良好。
都几大碗㖞，多汤正。本来叫个崩沙腩面，店员推介佢哋个云吞同鱼蛋都自家制有保证，横掂咁肚饿叫丰富啲都好合理吖。
碟菜都好大碟，咁样都系加七蚊咋，抵食！通菜爽口唔老身，腐乳酱咸香微辣，正。
崩沙腩好得，入口咸香鲜味，软腍得黎筋位又有咬口，少少脂肪位更甘香，好味好味。
试埋店员推介嘅云吞同鱼蛋，无失望㖞，云吞鲜虾大大只够爽口，肉鲜味，食得出新鲜包起。鱼蛋弹牙唔腥，真系好食㖞。
汤底无乜惊喜，但饮左大半碗都无口渴，应该系无添加啦。
面爽口无碱水味，好食。又平又好味，唔怪得咁多人啦！
张贴
