海皇粥店 (樂道) (已結業)

呢排食嘅嘢都比较多、种类有唔同国家嘅菜式、所以今日想食返啲简单嘅菜式晚餐！再加上食返啲充满营养嘅晚餐补充体力！今次就选择咗海皇粥店、听到粥店通常都会谂起食粥比较简单啲嘅嘢食！但系而家唔同咗呢度除咗有好食同埋好营养嘅粥之外、都开始有自家蒸饭！呢排都冇点样食过鱼类、就叫咗一个自家蒸饭套餐、呢度嘅鲜味蒸鱼腩套餐除咗有个好大嘅鱼腩之外、仲有一碗好大嘅白饭、好抵食！都想讲一讲呢个鱼腩食落去好喜出望外！第一佢系即叫即蒸、虽然要时间等但系咁样嘅食物先系最好食！鱼腩除咗好滑唔多骨之外！佢嘅鱼肉亦都好嫩滑！再加上用蒸鱼豉油、芫荽、姜条、仲有香葱等等配料去整呢条鱼、食落去真系好香滑！非常开胃！最后当然唔少得就系佢嘅红豆绿豆沙双拼啊！除咗有冻同热选择之外、红豆同绿豆沙混合埋一齐更加好食就好似食紧咋喳一样！但系有非常足料！尖沙咀乐道海皇粥店