尚品 (已結業)

今日过左屯门龙门居呢个地方，友人新居入伙，烦紧打边炉好定系叫pizza....但两样都系热气到晕…友人话佢住呢度好，系楼下成条街都系野食，仲开到好夜下，就系唔怕会饿亲既然系咁，落去睇下先，又真系咩都有得食㖞，有炒野，有肠粉鱼蛋，有粉仔，章鱼八爪鱼丸，手抓饼，花多眼乱，好似一个小型夜市咁，同埋都好多人买，证明质素有返咁上下，行行下，见到有间特别啲头先条街无嘅，就系尚品呢间专卖手包饺子嘅舖头饺子汤有炸，粟米鲜肉同韮菜鲜肉，虽然要等，不过还好系即叫即造，所以好新鲜饺子真系几大只，涵多足料，皮唔会好厚，配佢地自家调制酱汁，有辣有唔辣，小妹钟意辣辣地之余有小小酸味，吊起饺子鲜味，好开胃喺等嘅时候已经见到店员密密包，而家人流都算多，好彩order左先，唔系等都要时间另外又叫左啲小食，冬菇炆猪软骨呢个都系必点item...猪软骨炆到好稔好入味，连啲冬菇都吸晒汤汁，咬落下下都爆汁，good!花雕醉猪手呢个冻食，猪手只只都啖啖肉，唔系用啲骨黎充撑场面，不过酒味就略为唔够浓，但都系可以点嘅item呢度仲有生饺子外卖，打边炉一流，外卖饺子都不失为一个好选择！