影片
更多
2008-02-16
23 浏览
我相信好多外来既人黎左茶餐厅之后,一定会记得佢地既面餐系好难食,当然,我食左廿年,我一直都觉得佢地既面系的确麻麻...不过醉翁之意不在酒,我食左呢间野廿年,我基本上一个月既早餐,lunch,到晚餐我仲多过系屋企食,因为我地全家都同入面既伙计/老板好fd...前几年,茶餐厅有三宝,明哥,才哥,强哥,明哥同才哥系两兄弟,佢地整既奶茶绝对系no.1,我到依家搬左去西环住,我都再饮唔到,亦揾唔到佢地既味道,至于强哥,就出名整多士,之后,才哥因为系厨房一次跌倒,令到佢既身体唔能再系厨房工作被逼退出,之后就请左个厨房-尹佬,呢个人当初唔识佢,就唔多出声,一识落,非常好人,每次嗌面餐或者三文治,食食下,发现左入面加左好多冇叫既野,得闲就两三块火腿,有时就肠仔,有时就午餐肉,佢地系想人食得开心,而唔系做又三十六,唔做又三十六个只...至于依家,强哥同明哥都已经去左老板旗下第二个分店做lu,而不嬲做开楼面既四眼仔,亦入左去水吧,同尹佬继续做,当然,奶茶已经冇当年咁出色,但系,一份人情味,无论佢当年有冇装修,年廿八清洁完之后好快俾人整污糟晒,d面几咁难食都好,我钟意既,除左杯冻奶茶,就系一入到去,个个都会
前几年,茶餐厅有三宝,明哥,才哥,强哥,明哥同才哥系两兄弟,佢地整既奶茶绝对系no.1,我到依家搬左去西环住,我都再饮唔到,亦揾唔到佢地既味道,至于强哥,就出名整多士,之后,才哥因为系厨房一次跌倒,令到佢既身体唔能再系厨房工作被逼退出,之后就请左个厨房-尹佬,呢个人当初唔识佢,就唔多出声,一识落,非常好人,每次嗌面餐或者三文治,食食下,发现左入面加左好多冇叫既野,得闲就两三块火腿,有时就肠仔,有时就午餐肉,佢地系想人食得开心,而唔系做又三十六,唔做又三十六个只...
至于依家,强哥同明哥都已经去左老板旗下第二个分店做lu,而不嬲做开楼面既四眼仔,亦入左去水吧,同尹佬继续做,当然,奶茶已经冇当年咁出色,但系,一份人情味,无论佢当年有冇装修,年廿八清洁完之后好快俾人整污糟晒,d面几咁难食都好,我钟意既,除左杯冻奶茶,就系一入到去,个个都会笑笑口,讲下笑,倾下偈既感觉....呢d,先系港式茶餐厅...
p.s佢地每到赛马日,每场马一起跑楼面,厨房,清洁永远都俾人点左穴,个个乜都唔做,停晒手,呆晒咁...haha,不过一完左就变回原状....
佢地既热狗,鲜油多,蛋挞都非常之好,想另类既,可以试下煎蛋多士,佢冇写系menu度架,因为系我地谂出黎,不过你谂得到,就可以随便叫架啦@@
张贴