腸粉皇后

营业中

休息中

原本想食ET盐水鸡，点知撞正落场，怱忙下响附近是但揾间买外卖。见呢间舖外表正常，隔离两间主打炸嘢，就试呢间。叫咗肠粉+ 四𩠌(牛柏叶、鸡肾、牛肚、粉果)太赶时间无影相，但可以想像吓：肠粉垫底，见到上面有甜酱辣酱，肾肚柏叶劲深卤水色舖面仲有卤水浸住一半，垫底呢堆嘢打成一片咁，两个粉果砸住部份肠粉。先食肠粉，起角嘅，少少硬，蒸唔透咁嘅口感，但应该系微波炉叮嘅。中间𠮶堆卤嘢，正常发挥，唔突出亦唔难食。两个粉果真系吓亲，睇落正正常常，一咬个顶，硬到𠼱唔切，摆明系叮出嚟，但原来连叮都唔识叮🙄。咁就用咗$41…我好肯定，去7仔/OK熟食档买，甚至系叮叮点心嘅肠粉同粉果都好食过佢。