影片
更多
2017-12-27
843 浏览
我谂呢间应该系我排队等位最耐嘅餐厅，等咗足足2个钟都有，简直系挑战紧我嘅耐性。好彩旁边有座位，买咗雪糕坐系度食住等。所有菜式都只系提供原材料，然后自己落手落脚煮（我呢个大食懒女友就只会坐系度等食嘅姐，或者得闲帮手影下相啰）。为咗方便客人自己煮，每枱都印有清晰嘅 guidelines，教晓你每一道菜嘅唔同步骤，有埋图片参考添！我知道我哋系抵食鬼，两个人竟然叫咗 3 份大阪烧 Wakaka XD，但未食当前真系忍唔到口。三饼嘅都各有特色，有以肉为主嘅、有面底嘅、亦有煎蛋喺面嘅：仲有炒杂菇添！讲真我觉得几好玩，份量已经调好晒又好少会失手。有机会返嚟再试嘅话，我会想食甜品 pancake，但要排多 2 个钟嘅话就唔好搞我啦！
所有菜式都只系提供原材料，然后自己落手落脚煮（我呢个大食懒女友就只会坐系度等食嘅姐，或者得闲帮手影下相啰）。为咗方便客人自己煮，每枱都印有清晰嘅 guidelines，教晓你每一道菜嘅唔同步骤，有埋图片参考添！
我知道我哋系抵食鬼，两个人竟然叫咗 3 份大阪烧 Wakaka XD，但未食当前真系忍唔到口。
三饼嘅都各有特色，有以肉为主嘅、有面底嘅、亦有煎蛋喺面嘅：
仲有炒杂菇添！
讲真我觉得几好玩，份量已经调好晒又好少会失手。有机会返嚟再试嘅话，我会想食甜品 pancake，但要排多 2 个钟嘅话就唔好搞我啦！
张贴
