燒蝦蝦 (金福閣） (已結業)

今日嚟到元朗烧虾虾， 系除咗传统放题， 一个有得玩有得食嘅任食地方。我哋一坐低店员就喺后面嘅水池即刻放咗一大堆新鲜嘅大头虾入去，畀我哋自己捉黎烧。 有一个冰桶装住啲冰水，将捉上黎嘅虾放入冰筒等佢冻晕咗再烧就唔会弹到周围都系， 个过程都几好玩。任食区分海鲜类肉类蔬菜类同一d熟食，选择都好丰富。 海鲜嘅种类都好多有生蚝， 花甲，鱼，鲍鱼，蛏子。肉类方面最推介嘅系佢嘅鸡翼 ，我同朋友都觉得佢比一般放题食到嘅鸡翼，大只多肉。 我哋自己整咗兜芝士粟米，仲加咗d蒜蓉同牛油落去，正!整体食物质素唔差，虾新鲜系佢嘅卖点，选择亦都多元化， 价钱亦都唔算贵， 整体嚟讲都推介