影片
更多
2010-08-25
84 浏览
星期一晚早放工，一心谂住陪男朋友食d野跟住走去做gym，最后食得太饱又太晏当然又无去。一直都好想试「伤心酸辣粉」奈何深水埗同旺角都少去，睇上一期饮食杂志得知铜锣湾会开分店，即时常来OpenRice睇下佢几时开张，呵呵，原来上个星期日开左喇，我当然又要揾个机会黎试下啦。7点4左右黎到，无人等位，太好喇，是晚点左两个餐︰酸辣粉(小辣) + 口水鸡 + 热姜蜜凉拌鸡丝面(小辣) + 夫妻肺片(小辣) + 冻柠乐蒜泥白肉口水鸡先到，点菜的时候先知原来除左酸辣粉之外，其他菜式都可以选择辣度，真体贴。例牌size的口水鸡浸满红色的辣油，个样好似好辣，食一口又唔算，不过就无鸡味可言。夫妻肺片男友都系要左个小辣版，份量细小，全部都切得薄薄地，容易入口。勉强食得到卤水味，而且都几辣。蒜泥白肉系唯一一个唔算辣的菜式，我仲觉得好甜。虽然面头有好多蒜泥不过好彩食落又唔算好夸张，如果唔系会好口臭架。猪肉片一d都唔肥，但无爽脆的口感。凉拌鸡丝面(小辣)系男友的面食，个样又系无杀伤力，但我地加埋其他辣野一齐食，开始觉得有少少辛苦。个凉拌鸡丝面的面质唔错，几干身，其他就无咩特别。我个酸辣粉呢，从之前的食评得知BB辣都
一直都好想试「伤心酸辣粉」奈何深水埗同旺角都少去，睇上一期饮食杂志得知铜锣湾会开分店，即时常来OpenRice睇下佢几时开张，呵呵，原来上个星期日开左喇，我当然又要揾个机会黎试下啦。
7点4左右黎到，无人等位，太好喇，是晚点左两个餐︰
酸辣粉(小辣) + 口水鸡 + 热姜蜜
凉拌鸡丝面(小辣) + 夫妻肺片(小辣) + 冻柠乐
蒜泥白肉
口水鸡先到，点菜的时候先知原来除左酸辣粉之外，其他菜式都可以选择辣度，真体贴。例牌size的口水鸡浸满红色的辣油，个样好似好辣，食一口又唔算，不过就无鸡味可言。
夫妻肺片男友都系要左个小辣版，份量细小，全部都切得薄薄地，容易入口。勉强食得到卤水味，而且都几辣。
蒜泥白肉系唯一一个唔算辣的菜式，我仲觉得好甜。虽然面头有好多蒜泥不过好彩食落又唔算好
夸张，如果唔系会好口臭架。猪肉片一d都唔肥，但无爽脆的口感。
凉拌鸡丝面(小辣)系男友的面食，个样又系无杀伤力，但我地加埋其他辣野一齐食，开始觉得有少少辛苦。个凉拌鸡丝面的面质唔错，几干身，其他就无咩特别。
我个酸辣粉呢，从之前的食评得知BB辣都唔系好辣，所以自己要左小辣，味道其实唔错，睇上去又系无咩杀伤力因为唔似其他菜色咁多辣油。我略嫌薯粉煮得过淋，少左份烟韧的嚼劲，上次去美食展试左间立食的酸辣粉，质素反而仲出色。
我的经验系「小辣」其实一般人都食到，只不过当同一时间食多款「小辣」的菜色就会有d顶唔顺，我仲搅笑，叫左杯热姜蜜，又热又辣，真系捉虫，下次自己要醒目d！
总括黎讲「伤心酸辣粉」系值得一试既，但我又好相信出面仲有好多街坊小店所做的四川或重庆菜会比佢更出色，如果你突然兴起想食辣野又唔知边度有隐世小铺，「伤心酸辣粉」应该满足到你。
呀，有一个小观察就系，佢无提供开水或茶，好明显要你食到辣就要俾钱叫野饮，其实可唔可以大方一d呢？
张贴
