道頓堀御好燒專門店 (荃灣廣場) (已結業)

次次经过都好多人，今日8点半经过只见几个人等，所以就试下，最后等左半个钟左右。年糕芝士从来都系我嘅最爱，同埋都系正常野，唔会中伏，所以就点左，份量偏小。跟着指示做，唔太难，不过第一次做， 个效果一点也不美，食落系好味嘅，不过完全无芝士年糕的感觉。酱汁亦比较咸。泡菜鱿鱼无乜特别，就系泡菜加上鱿鱼，不过味道唔错。肉类炒面，肉的份量非常少，只得几小块，有点失望，配上跟面的汁，味道很夹。最后叫上甜品，职员会帮忙将铁板清洁，很细心。Pancake性价比比较高，因为平常的pancake价钱都差不多，今次可以自己烧，所以感觉几唔错。呢个pancake系值得推介，味道很好，质地软身，又简单易做，不过跟足指示6分钟，都有点不够熟。有个温馨提示，酱汁不要落太多，因为都偏咸。