火山燒 (已結業)

第一次食哩间火山烧，觉得几新鲜几过瘾！之前睇食评，感觉一般般，本身冇乜期待，朋友话想食就去啦。坐低觉得环境唔错，墙上啲画几靓。四个人去，安排左坐卡位，用一个细细地嘅炉。唔好睇佢炉仔细细，又几够力烧得几爽！食物方面都唔错，牛柳粒牛肩肉牛仔肉叉烧粒都几正，食左唔少～食肉兽！！！特别推介烧鸡皮！本身叫黎玩下无谂住会好食，估唔到烧完又唔肥㖞，仲好脆口，加少少盐已经好好食！佢有个糯米鸡棒，几特别嘅，不过啲糯米几易痴网，食到咁上下先烧会好啲。除左肉之外，海鲜都唔错。帆立贝加啲烧汁烧，系出色嘅～大家如果去，记得个炉唔好开太猛，因为个炉都几大力嘅，开太大会好快㶶同烧著啲木签。佢提供三个汁嘅，蜜糖汁烧汁同辣汁。个人觉得茶一浸唔多够，茶一浸再烧下，再茶再烧，薄薄地就得不过多两浸会好好味。但有时其实加啲盐烧已经好好食，食返食材本身嘅味道，正！整体黎讲都会再覆桌，野食几好食，烧下烧下又几好玩。咁嘅价钱食个放题都差唔多，但有得玩有得食，系几爽嘅～