影片
更多
2017-04-21
643 浏览
呢间有得自己煮嘅大阪烧店开咗嚟香港，点都要带爸妈嚟玩一次！之前开张过咗一排试过打去book位食夜晚，已经话book到几个月后先有位😱今次长假期想嚟食，一于试吓午市一开舖就去排，睇下食唔食到！公众假期开11:30，心谂放长期应该唔多人肯咁早起身去食饭，我地11:30准时到达，见到已经好多人排紧队等食第一轮😱攞咗14号飞，但眼见全间餐厅得十几张枱，餐厅要求90分钟交枱，以为要等个半钟食第二轮，好彩等咗一阵最后有叫我地入座。Order咗两个大阪烧(道顿崛特选御好烧&富士山)，一个有面，一个多肉，除咗大阪烧，仲有烤肉，我地再试埋上级牛肋肉同牛舌，烤肉ok，个人觉得牛舌腌得好味d。等咗好耐，今餐嘅主角嚟啦🤗！每张枱附有说明书教客人跟住步骤煮，亦有QR code可以上网睇示范短片，我阿爸阿妈成餐饭就系成日睇张说明书惊唔识整😂！跟足步骤结果都算容易，第一个饼整得比较大，当要反转个饼煎嘅时候，镬铲唔系大，所以有难度，好易烂😅。第二个有经验，将材料整个细d厚d嘅饼就易少少反转啦！实在太好玩啦，完成后可随意加酱汁、沙律酱、鲣鱼粉同海苔粉，味道亦真系好好味😋！最后再加个厚身pancake做甜品，食落好似蛋饼
Order咗两个大阪烧(道顿崛特选御好烧&富士山)，一个有面，一个多肉，除咗大阪烧，仲有烤肉，我地再试埋上级牛肋肉同牛舌，烤肉ok，个人觉得牛舌腌得好味d。
等咗好耐，今餐嘅主角嚟啦🤗！每张枱附有说明书教客人跟住步骤煮，亦有QR code可以上网睇示范短片，我阿爸阿妈成餐饭就系成日睇张说明书惊唔识整😂！跟足步骤结果都算容易，第一个饼整得比较大，当要反转个饼煎嘅时候，镬铲唔系大，所以有难度，好易烂😅。第二个有经验，将材料整个细d厚d嘅饼就易少少反转啦！实在太好玩啦，完成后可随意加酱汁、沙律酱、鲣鱼粉同海苔粉，味道亦真系好好味😋！
道顿崛特选御好烧
41 浏览
1 赞好
0 留言
富士山
50 浏览
1 赞好
0 留言
呢餐两老玩得好开心，但其实90分钟呢个时限，我觉得一枱四个人时间好赶急，第一次嚟帮衬，坐低睇完餐牌拣得嘢食嚟，再研究吓点煮，今次我哋拣嘅大阪烧每个要煮起码15分钟(pancake就快少少)，再要时间食，心谂如果四个人各order一个饼煮，可能已经过咗时限啦，不过我明白呢间餐厅真系好多人帮衬，因为食紧嘅途中已见好多人喺出面等紧位😜食物好味又好玩，家人临走已经讲定要第日嚟食夜晚😆
张贴
